Bile na Croitearachd agus Cùirt an Fhearainn

Overview

Tha a’ Chomataidh Chùisean Dùthchail is Eileanan a’ coimhead air Bile na Croitearachd agus Cùirt an Fhearainn agus tha iad airson do bheachdan a chluinntinn.

Dè th' ann am Bile na Croitearachd agus Cùirt an Fhearainn?

Tha am Bile ann an dà phàirt—

Tha Pàirt 1 a’ dèanamh grunn atharrachaidhean gus dèiligeadh ri duilgheadasan leis an reachdas croitearachd a th’ ann mar-thà.  Cha dèanadh am Bile ath-leasachadh bunaiteach air reachdas croitearachd; tha Riaghaltas na h-Alba ag ràdh gum feumadh seo deasbad sònraichte.

Bhiodh Pàirt 2 a’ co-aonadh Cùirt an Fhearainn, a bhios a’ dèiligeadh ri cùisean eadar uachdarain agus luchd-gabhail fearann àiteachais, agus Tribiunal Fearainn na h-Alba, aig a bheil grunn dhleastanasan.

A’ cur beachd a-steach

Tha sinn a’ cur fàilte air beachdan sgrìobhte ann am Beurla, Gàidhlig, Scots no cànan sam bith eile.

Mus cuir thu beachd a-steach, leugh ar n-Aithris Prìobhaideachd mu bhith a’ cur do bheachdan gu comataidh. Innsidh seo dhut mar a làimhsicheas sinn dàta pearsanta.

Thoir fa-near gun tèid an tagradh agad, sa mhòr-chuid de chùisean, fhoillseachadh air làrach-lìn Pàrlamaid na h-Alba agus gur mathaid gun deigheadh a chleachdadh ann an aithisg na Comataidh no ann an coinneamhan comataidh (a bhios poblach agus air an craoladh).  Bu chòir dhut fios a chur chun na Comataidh mus dèan thu tagradh mura h-eil thu airson gun tèid fhoillseachadh.

Air sgàth na h-ùine a dh’fheumar airson fianais a phròiseasadh agus a sgrùdadh, cha ghabhar ri tagraidhean fadalach ach le aonta clàrc na comataidh.

Is e Dihaoine 5 Sultain 2025 an ceann-latha airson do bheachdan a chur a-steach.